“ალტერსოქსი“ გერმანულ Amazon-ზე ერთ-ერთი ბესტსელერია

წინდების მწარმოებელი ქართული კომპანია „ალტერსოქსი“ გერმანულ Amazon-ზე  ერთ-ერთი ბესტსელერია. სპეციალური ნიშანი „ალტერსოქსის“ განყოფილებაში უკვე გამოჩნდა. გერმანულ ამაზონზე ბრენდი დაახლოებით ორი წელია იყიდება.

გარდა გერმანიისა, ალტერსოქსს“ პირველი მომხმარებლები უკვე ჰყავს საფრანგეთის ბაზარზეც, სადაც ბრენდი  ფრანჩაიზის სახით რამდენიმე კვირის წინ შევიდა. კომპანიის დამფუძნებლის, რეზი ბესელაშვილის განმარტებით, ფრანგი მომხმარებელი პროდუქციას ახლა ეცნობა და სავარუდოა, რომ ამ ბაზარზე გაყიდვები თვის ბოლოდან გააქტიურდეს.

კიდევ ერთი ახალი ბაზარი პოლონეთია, სადაც “ალტერსოქსმა“ პირველი საცდელი პარტია უკვე  გააგზავნა.

„2020 წელს, გასულ წელთან შედარებით ჯამური ექსპორტი შემცირებულია, თუმცა, ბოლო თვეებში, დაახლოებით ოქტომბერი-ნოემბერში გვაქვს ძალიან პოზიტიური ძვრები. ნოემბერში მაგალითად 5-ჯერ უფრო მეტი წინდა გაიყიდა, ვიდრე ოქომბერში, ვნახულობდი რა იყო მიზეზი  და აღმოჩნდა, რომ Amzon-ზე  წინდების ერთ-ერთ განყოფილებაში ჩვენი ბრენდი ბესტსელერი გახდა“-აცხადებს რეზი ბესელაშვილი.

შეგახსენებთმ "ალტერსოქსი" ქართველი ცოლ-ქმრის ორიგინალური სტარტაპია, რომელიც დაახლოებით 4 წლის წინ გამოჩნდა ქართულ ბაზარზე. კომპანია მომხმარებლებს გამორჩეულ, ფერად და სახალისო წინდებს სთავაზობს.