ბიზნესი
19/10/2023

გერმანიაში გეოგრაფიული აღნიშვნის - "სულგუნი" - უკანონო გამოყენება აღიკვეთა

საქართველოს ინტელექტუალური საკუთრების ეროვნული ცენტრი სპეციალურ განცხადებას ავრცელებს.  

"საქპატენტისთვის ცნობილი გახდა, რომ გერმანიის ფედერაციული რესპუბლიკის ტერიტორიაზე ხდებოდა დაცული ქართული გეოგრაფიული აღნიშვნის, ყველის - „სულგუნი“ უკანონო გამოყენება. კერძოდ, გერმანიის რამდენიმე სავაჭრო ქსელში იყიდებოდა ყველი სახელწოდებით „სულუგუნი“. საქპატენტის მიერ, გერმანიის ფედერაციულ რესპუბლიკაში საქართველოს საელჩოსთან კოორდინირებით, განხორციელდა შესაბამისი ღონისძიებები, რის შემდეგაც სუპერმარკეტების ქსელიდან „LEDO” და „ROSSIA” ამოიღეს დასახელება „Suluguni“-ით ნიშანდებული პროდუქცია.

დარღვევაზე რეაგირების მიზნით, 2023 წლის 20 იანვარს საქპატენტმა წერილობით მიმართა სოფლის მეურნეობისა და სოფლის განვითარების ევროკომისიის (DG AGRI) გენერალურ დირექტორატს. თავის მხრივ, კომისიის მოთხოვნით, გერმანიის რესპუბლიკის შესაბამისმა უწყებებმა შეისწავლეს აღნიშნული საქმე, რის შედეგად, გერმანიაში ქართული გეოგრაფიული აღნიშვნის უნებართვოდ გამოყენებისა და დისტრიბუციის თავიდან აცილების მიზნით, განახორციელეს აუცილებელი ზომები და ზემოაღნიშნული სუპერმარკეტების ქსელიდან ამოიღეს უფლების დამრღვევი პროდუქცია.

ევროკავშირის ტერიტორიაზე ქართული ადგილწარმოშობის დასახელებისა და გეოგრაფიული აღნიშვნების დაცვა ხორციელდება ევროკავშირსა და საქართველოს შორის გაფორმებული ასოცირების შეთანხმების საფუძველზე, რომლის ფარგლებში მხარეები აღიარებენ და იცავენ ერთმანეთის გეოგრაფიულ აღნიშვნებს, ხოლო მათზე უფლებების დარღვევის შემთხვევაში, ატარებენ შესაბამის ადმინისტრაციულ ღონისძიებებს.

გეოგრაფიული აღნიშვნა „სულგუნი“ საქართველოში დარეგისტრირდა 2012 წლის 24 იანვარს. 2014 წლის 1 სექტემბრიდან კი ორმხრივი ხელშეკრულების საფუძველზე დაცულია ევროკავშირის ტერიტორიაზე. გეოგრაფიული აღნიშვნა „სულგუნის“ დატანა პროდუქტზე შესაძლებელია მხოლოდ იმ შემთხვევაში, თუ ის მკაცრად დადგენილი სპეციფიკაციების შესაბამისადაა დამზადებული.

საქპატენტი აქტიურადაა ჩართული ქართული ადგილწარმოშობის დასახელებებისა და გეოგრაფიული აღნიშვნების საქართველოს საზღვრებს გარეთ დაცვის საკითხებში, რათა აღიკვეთოს ქართულ გეოგრაფიულ აღნიშვნებსა და ადგილწარმოშობის დასახელებებზე უფლებების დარღვევების და მათი რეპუტაციისთვის ზიანის მიყენების ფაქტები,"აღნიშნულია "საქპატენტის" მიერ გავრცელებულ განცხადებაში. 

Businesspartner

მთავარი სიახლეები

მსოფლიო

გამოუყენებელი სატელიტური ანტენები შვეიცარიაში მზის გიგანტურ პანელებად გადააკეთეს
01

23/10/2023
ბიზნესი

რა ღირს საქართველოში "ინტერის" საფეხბურთო აკადემიაში სწავლა და როგორ ხდება რეგისტრაცია
02

15/06/2022
საზოგადოება

რა ეტაპზე უნივერსიტეტის ქუჩის რეაბილიტაცია - მერის განმარტება
03

03/11/2023
ენერგეტიკა

თბილისში კონფერენცია "კაშხლები და ჰიდროენერგეტიკა: ადაპტაცია ცვალებად სამყაროში" გაიმართება
04

03/11/2023
ენერგეტიკა

მთავრობამ 5 ელექტროსადგურის ხელშეწყობის $167 მლნ-იანი პროექტი განიხილა
05

30/10/2023
ფინანსები

ვახტანგ ცინცაძე: საქართველომ ინფლაციური მოლოდინების მოთოკვა სწრაფად მოახერხა
06

03/11/2023