გიორგი ხაბაშვილი: ადგილობრივ, მცირე მეწარმეებს თანხებს ხშირად პროდუქციის მიწოდებისთანავე ვუხდით
„გუდვილის“ კომერციული დირექტორის გიორგი ხაბაშვილის ინფორმაციით, ჰიპერმარკეტი მაქსიმალურად ცდილობს მცირე და საშუალო მეწარმეებს ხელი შეუწყოს და მათი ინტერესები გაითვალისწინოს.
„დღეს საქართველოში ძირითადად „ფრეშ“ პროდუქცია იწარმოება, ეს არის ხილი, ბოსტნეული, ხორცი, ხორცპროდუქტები, ჩირი და ასე შემდეგ, ამ მიმართულებით ჩვენ მაქსიმალურად ვითვალისწინებთ ჩვენი მომწოდებლების ინტერესს.
კონსიგნაციის ვადა არის ხანდახან 7-10 დღე, ხანდახან - 14. ხშირად არის ისეთი შემთხვევები, როდესაც ადგილობრივ მცირე მეწარმეებს თანხებს პროდუქციის მიწოდებისთანავე ვუხდით.
ჩვენთვის მნიშვნელოვანია ამ მიმართულების გაძლიერება, წახალისება. ეს ძალიან ბევრ რისკს აზღვევს ჩვენი ქვეყნისთვის და რითეილერებისთვის. მცირე და საშუალო წარმოების წახალისება აზღვევს ლოგისტიკის, საზღვარგარეთ პროდუქციაზე ფასების ზრდის, კურსის და უამრავ სხვა რისკებს. ასე რომ, ჩვენ ძალიან მოტივირებულები ვართ და ვიყავით ყოველთვის,“-აცხადებს ხაბაშვილი.
შეგახსენებთ, ადგილობრივი მცირე ბიზნესის ნაწილი ბოლო წლების განმავლობაში აქტიურად აცხადებს,რომ მსზვილ ქსელურ მარკეტებში პროდდუქცია ვერ შეაქვთ. მიზეზი მათი მხრიდან დაწესებული მაღალი გადასახადია.
