ჰიპერმარკეტ "ბრიკორამას" 30% სრულად ვაქცინირებულია
ჰიპერმარკეტ „ბრიკორამას“ 30% აცრილია.როგორც „ბიზნესპარტნიორს“ კომპანიაში განუცხადეს,ადმინისტრაცია თანამშრომლებში ვაქცინაციის აუცილებლობასთან დაკავშირებით აქტიურ კამპანიას აწარმოებს, რამაც დადებითი შედეგი გამოიღო და სამომავლოდ, კიდევ უფრო მაღალ მასშტაბებზე გავა.
მათივე ინფორმაციით, ვაქცინირებული თანამშრომლებისთვის ერთგვარი წამახალისებელი აქციებიც მოქმედებს.
„ვაქცინაციის მსურველთა რიცხვი მზარდია. რაც შეეხება იმათ, ვინც არ იცრება, ასეთი კომპანიაში მცირეა, თუმცა, ჩვენ კანონის შესაბამისად ვმოქმედებთ.ჩვენნაირ პროპაგანდას რომ ეწეოდეს სახელმწიფო შეიძლება უკეთესი შედეგები გვქონოდა“-აცხადებენ კომპანიაში.
ბრიკორამა“ 45 წლიანი გამოცდილების ფრანგული ბრენდია, რომელიც მოიცავს სითი ფორმატის ჰიპერმარკეტს, რაც განსაკუთრებულად უმარტივებს მომხმარებელს აშენების, რემონტის, სახლისა და ეზოს მოწყობის პროცესს.
ჰიპერმარკეტის ძირითადი მიმართულებებია: სამშენებლო და სარემონტო მასალები, ელექტროობა, სანტექნიკა და აქსესუარები, მოსაპირკეთებელი მასალა, იატაკი და ფილები, შპალერი, ელექტრო და ხელის ინსტრუმენტები, ლაქ-საღებავები, განათება, ეზოს ავეჯი, ეზოსა და ბაღის მოვლა-მოწყობის საშუალებები, დეკორაცია და ასევე, მრავალი სხვადასხვა კატეგორიის პროდუქტის ფართო არჩევანი.
