Kernel-ი ინდოეთის ბაზარზე გააქტიურებას გეგმავს

ინვოისებისა და ფინანსური ხელსაწყოების ქართული პლატფორმა „კერნელი”, რომელიც მცირე ბიზნესებს ოპერაციების გაციფრულებაში ეხმარება, ინდოეთის ბაზარზე  გააქტიურებას გეგმავს. ამის შესახებ გადაცემა „ბიზნესი რუსთავი 2“-ს კომპანიის დამფუძნებელმა, ბექა დალაქიშვილმა განუცხადა.

მისი ინფორმაციით, კომპანია ერთი წელია უკვე ინდოეთის ბაზარზეა და უზარმაზარი შესაძლებლობიდან გამომდინარე, აპირებს ბაზარი კიდევ უფრო აითვისოს.

„ჩვენ საკმაოდ სწრაფად ვვითარდებით, სწრაფად ვსწავლობთ და ბევრი კონტაქტები დაგვიგროვდა, თუმცა გვჭირდება  გავიზარდოთ თვის განმავლობაში არა 20%-ით , არამედ თვიდან თვემდე 300%, 500% და 1000%-ით,“- აღნიშნავს დალაქიშვილი.

„კერნელი“-ს დამფუძნებლის მტკიცებით, აპრილის თვიდან ბაზრის მხრიდან დიდი მოთხოვნა გაჩნდება. ინდოეთის ბაზრის დინამიკიდან გამომდინარე 3-დან 5 წლის განმავლობაში სხვა ბაზრებთან თანამშრომლობა არ იგეგმება.

სტარტაპი „კერნელი“ ბაზარზე 2019 წლიდან ოპერირებს. ამ ეტაპზე კომპანია გარდა ინდოეთის გარდა, ფილიპინებშიცაა წარმოდგენილი.