ვარკეთილში, "ჩემი სათამაშოების სახლის" მეორე მაღაზია გაიხსნა

სათამაშოების მაღაზია „ჩემი სათამაშოების სახლი“  გაფართოვდა.

კომპანიის დამფუძნებლის, გიორგი ვარამაშვილის ინფორმაციით, რიგით მეორე მაღაზია  ვარკეთილი III-ში (3ა მკ/რ-ნი, კორპუსი - 341) გაიხსნა.  კომპანიის მენეჯმენტმა გაფართოების გადაწყვეტილება მომხმარებლის მხრიდან მაღალი მოთხოვნის შედეგად მიიღო.

„პირველი მაღაზია 7 თვის წინ გავხსენით, ამ პერიოდის განმავლობაში ჩვენი მომხმარებლების წრე ინტენსიურად იზრდება, რაც კომპანიას სტაბილური განვითარების შესაძლებლობას აძლევს.  თამამად შეიძლება ითქვას, რომ არასდროს არ ვართ თანაბარ დონეზე, მუდმივად აქტიური მოთხოვნაა. ვცდილობთ გავამდიდროთ ასორტიმენტი, რაზეც მომხმარებლისგან ყოველთვის დადებით უკუკავშირს ვიღებთ,”-აცხადებს გიორგი ვარამაშვილი.

მისივე ინფორმაციით, „ჩემი სათამაშოების სახლი“  სხვადასხვა ქვეყნის წარმოების და დასახელების სათამაშოს აერთიანებს. მათ შორისაა საჩუქრები ყველა ასაკის თუ გემოვნების ბავშვისთვის. 

როგორც ჩემი სათამაშოების სახლის" თანადამფუძნებელი გიორგი ბიძინაშვილი აღნიშნავს, სწორედ პროდუქციის და კოლექციების რელევანტურობიდან გამომდინარე, ვარკეთილში გახსნილი ახალი მაღაზია  როგორც მომხმარებლისთვის, ისე - კომპანიისთვის, გაყიდვების ერთ-ერთ ყველაზე საინტერესო წერტილად იქცევა.

„ბრენდი ზრდის მაჩვენებლებს ინარჩუნებს და ბაზარზე წარმატებულ ოპერირებას აგრძელებს. ვფიქრობთ, კიდევ უფრო  გავიზრდებით და მომხმარებელს კიდევ არაერთ სიახლეს შევთავაზებთ  ,“-აცხადებს გიორგი ბიძინაშვილი.

შეგახსენებთ, „ჩემი სათამაშოების სახლის“  პირველი მაღაზია ვარკეთილში, (საქართველოს ერთიანობისთვის მებრძოლთა ქუჩა N1) 2022 წლის დეკემბერს გაიხსნა.