ლევან დავითაშვილი: წყალტუბოში უძრავი ქონების ფასი 10-ჯერ გაიზრდება

ეკონომიკის მინისტრის მოლოდინია, რომ წყალტუბოში კერძო სექტორი აქტიური იქნება და დაახლოებით 500 მლნ ლარის ინვესტიცია განხორციელდება. 

ლევან დავითაშვილის თქმით, რამდენიმე წლის პერსპექტივაში გაჩნდება 3 200 სამუშაო ადგილი, როგორც მშენებლობა-რეაბილიტაციის, ისე ფუნქციონირების პროცესში. 

მისი განცხადებით, წყალტუბოში უძრავი ქონების ფასი 10-ჯერ გაიზრდება და კურორტი მიმზიდველი საინვესტიციო ადგილი გახდება. 

"საბოლოოდ ჩვენ მივიღებთ 6000-ზე მეტ საწოლფონდს. ეს იქნება იმაზე მეტი, რაც იყო ხელმისაწვდომი წყალტუბოს პიკში ყოფნისას. თუ ადრე ჩვენ ვმასპინძლობდით 300 000 ვიზიტორს, ჩვენ შეგვიძლია თანამედროვე კურორტის განვითარების შემთხვევაში, 350 000-ზე მეტი ვიზიტორი გვყავდეს წყალტუბოში", - აღნიშნა ლევან დავითაშვილმა.