დავით ნარმანია: ყველას ექნება ვალდებულება ბირჟაზე დარეგისტრირდეს, ივაჭროს, იწვალოს და ისწავლოს
სემეკი ენერგეტიკული ბირჟას და მის მონაწილეებს სატესტო ვაჭრობას დაავალდებულებს.
სემეკის თავმჯდომარის, დავით ნარმანიას განმარტებით, ვალდებულება სპეციალური დოკუმენტით განისაზღვრება და ის ჯარიმებსაც გაითვალისწინებს.
„გარდამავალი პერიოდის დოკუმენტში ვწერთ ვალებულებას, რომ ბირჟა და მონაწილეები ვალდებულნი იქნებიან ამ წლის შემოდგომაზე, ვიდრე 1 იანვრიდან ბირჟის გახსნა მოხდება, სავალდებულო წესით ივაჭრონ. ყველას ექნება ვალდებულება დარეგისტრირდეს, სცადოს, ივაჭროს, იწვალოს და ისწავლოს. სხვა შემთხვევაში შესაძლოა მათი სანქცირება დადგეს დღის წესრიგში, მაგრამ დარწმუნებული ვარ, რომ ეს საჭირო არ იქნება“, - აღნიშნა დავით ნარმანიამ.
სემეკის თავმჯდომარე იმედოვნებს, რომ იანვრიდან ენერგეტიკული ბირჟის ამოქმედდება დაიწყება.
ვიდრე ბირჟა გაიხსნება პირდაპირ მომხმარებლებს 2 არჩევანი აქვთ: გააფორმონ ხელშეკრულებები ენერგიის მომწოდებლებთან ან ელექტროენერგია შეიძინონ ესკოსგან. ბირჟის ამოქმედების შემდეგ კი, ისინი ელექტროენერგიის შეძენას ბირჟაზე შეძლებენ.
