Georgia Capital ინვესტორებს აპრილ-მაისის შთამბეჭდავ შედეგებზე ატყობინებს

ეკონომიკის გაჯანსაღება Georgia Capital-ის კომპანიებზე დადებითად აისახა - Georgia Capital-მა ინვესტორებს ძლიერი შედეგების მიღებაზე აუწყა.

ჰოლდინგის ცნობით, მისი პორტფელური კომპანიების ჯამური ამონაგები აპრილ-მაისში წლიურად 55%-ით გაიზარდა და 328 მლნ ლარი შეადგინა, რაც 33%-ით აღემატება 2019 წლის ანალოგიურ პერიოდსაც. EBITDA ამავე პერიოდში 73 მლნ ლარი იყო 123%-ით მეტი 2020 წლის ორ თვესა და 63%-ით მეტი 2019 წლის აპრილ-მაისთან შედარებით.

ჯანდაცვის სექტორში აპრილსა და მაისში თითო თვეში ამონაგებმა 33 მლნ ლარს გადააჭარბა და ჯამური ამონაგები 67 მლნ იყო, რაც 108%-იან წლიურ ზრდას აჩვენებს.

სააფთიაქო ბიზნესში ამონაგები 65 მლნ ლარი იყო, ზრდა 44%-ია.

კომუნალურ მომსახურებაში ამონაგები 34.2 მლნ ლარია, წლიური ზრდა 90%-ია. EBITDA ამ პერიოდში 22.1 მლნ ლარი იყო, 191%-ით მეტი წლიურ ჭრილში.

გაიზარდა შემოსავლები სხვა კომპანიებშიც.