ფინანსები
29/10/2020
გიორგი შაგიძემ თიბისის მმართველთა საბჭო დატოვა
გიორგი შაგიძემ თიბისი ბანკის მმართველი საბჭო დატოვა. დირექტორთა საბჭოში მას გიორგი მეგრელიშვილი ჩაანაცვლებს, რომელიც ფინანსურ დირექტორად უკვე დაინიშნა.
მეგრელიშვილი თიბისის გუნდს 2020 წლის მარტში შეურთდა ფინანსური დირექტორის მოადგილის რანგში. მანამდე ის ხელმძღვანელობდა კაპიტალის რისკების დეპარტამენტს Natwest Markets NV- ში (ამსტერდამი), მანამდე 11 წლის განმავლობაში მუშაობდა ლონდონში, Barclays Bank PLC- ში, სადაც სხვადასხვა წამყვანი პოზიცია ეკავა.
რაც შეეხება გიორგი შაგიძეს, ის წლის ბოლომდე თიბისიში მრჩევლის პოზიციაში დარჩება, რათა ეს ცვლილება უმტკივნეულოდ განხორციელდეს. შაგიძე ქვეყნის წამყვან ბანკში 10 წელი მუშაობდა. ის გენერალური დირექტორის მოადგილედ 2010 წელს დაინიშნა.
