ნახტომისებური ზრდა – საქართველოს სუვერენული ევროობლიგაციის შემოსავლიანობამ მოიმატა

საქართველოს სუვერენული ევროობლიგაციის შემოსავლიანობა ნახტომისებურად გაიზარდა.

Galt and Taggart-ის მონაცემებით, გასულ კვირას სახელმწიფო ობლიგაციების ფასი 2.99%-ით შემცირდა და დაიხურა 100.39 ნიშნულზე. შემოსავლიანობა კი, 6.48 %-მდე ავარდა, მაშინ როცა წინა პერიდოში 3.54%-ი იყო.

წლის დასაწყისიდან ობლიგაციების შემოსავლიანობა იკლებდა და 2.3%-ადაც კი ივაჭრებოდა.

6.87%-ინი ევრობონდების სარგებლიანობა  2019 წლის ბოლოს იყო 2.41%, 2018 წლის ბოლოს 4.46% იყო, 2011 წელს კი, 6.87%, ეს კი,  მთავრობას აფიქრებინებდა,  რომ რეფინანსირების შემთხვევაში უკეთესი პირობებით მოხდება თანხის მოზიდვა.

500 მილიონი დოლარის ევროობლიგაციების განაღდების თარიღი 2021 წლის აპრილია. სწორედ მანამდე უნდა მოხდეს ობლიგაციების რეფინანსირება.

შეგახსენებთ, 500 მლნ დოლარის ევრობონდები საქართველოს მთავრობამ ლონდონის საფონდო ბირჟაზე 2008 წელს განათავსა, 5 წლის ვადით, წლიურ 7.5%-ად. 2011 წელს, საქართველომ ბონდების რეფინანსირება მოახდინა და 5 წლიანი ევროობლიგაციები 10 წლიანი   ფასიანი ქაღალდებით ჩანაცვლდა.