როლანდ პრაისი: მსოფლიო ბანკისთვის დიდი პატივია საქართველოს ცენტრალურ ბანკთან თანამშრომლობა
"მსოფლიო ბანკისთვის დიდი პატივია საქართველოს ცენტრალურ ბანკთან თანამშრომლობა,'-ამის შესახებ მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა დღეს საქართველოს ეროვნული ბანკის პრეზიდენტის მოვალეობის შემსრულებელ ნათია თურნავასთან შეხვედრაზე ისაუბრა.
"ტექნიკური დახმარების პროექტის ფარგლებში, ვმუშაობთ ახალი შესაძლებლობების უკეთ ათვისებასა და სხვა საკრედიტო ოპერაციებზე.
ცენტრალური ბანკის როლი მნიშვნელოვანია მთავრობასთან ერთად მიმდინარე რეფორმების განსახორციელებლად. დღევანდელ სამუშაო შეხვედრაზე სხვადასხვა მიმართულების პროექტები განვიხილეთ, რომლებზეც ერთობლივად ვმუშაობთ", - განაცხადა მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა.
შეგახსენებთ, გაცნობითი ხასიათის შეხვედრაზე ეროვნული ბანკის პრეზიდენტის მოვალეობის შემსრულებელმა საქართველოს ეროვნულ ბანკსა და მსოფლიო ბანკს შორის მრავალწლიანი თანამშრომლობის ფარგლებში განხორციელებულ და სამომავლო პროექტებზე ისაუბრა. მათ შორის, საუბარი მყისიერი გადახდების სისტემის დანერგვასაც შეეხო, რომელიც მსოფლიო ბანკის მხარდაჭერით მიმდინარეობს.
