საფონდო ბირჟა ობლიგაციების ვაჭრობით "სუნთქავს“

საფონდო ბირჟა ობლიგაციების ვაჭრობით „სუნთქავს“.

საფონდო ბირჟაზე ე.წ „ფიქსინგით“ ლარში 16, დოლარში კი, 106 გარიგებაა დადებული, ჯამში 413 855 ფასიან ქაღალდზე.

10.5 თვის განმავლობაში 4.57 მლნ ლარის და 7.71 მლნ დოლარის ფასიანი ქაღალდები, ძირითადად, ობლიგაციები გასხვისდა.

ამ პერიოდში ყველაზე მსხვილი გარიგება ლარში „თეგეტა მოტორსის“ ობლიგაციებზე დაიდო - 4.15 მილიონის ღირებულების. დოლარში კი, „საქართველოს უძრავი ქონება“ ლიდერობს - 626 730 დოლარით.

საფონდო ბირჟის სავაჭრო სესიებზე გარიგებების მოცულობა უმნიშვნელოა და 45 167 ლარს არ აღემატება.