"საქართველოს კაპიტალის“ პორტფელზე ეკონომიკური კრიზისები ნაკლებად მოქმედებს - ირაკლი გილაური
„საქართველოს კაპიტალის“ პორტფელზე ეკონომიკური კრიზისები ნაკლებად მოქმედებს,- ამის შესახებ „საქართველოს კაპიტალის“ გენერალურმა დირექტორმა ირაკლი გილაურმა გადაცემა „ბიზნესპარტნიორში“ განაცხადა.
მისი ინფორმაციით, ერთადერთი სექტორი, რომელზეც პანდემიამ გავლენა მოახდინა სასტუმროს ბიზნესია.
„ორი სასტუმრო გვქონდა აშენებული, აქტივები სულ 5%-ს შეადგენს, შესაბამისად, ეს ორი სასტუმრო არ მუშაობს და ამაზე იქონია გავლენა. რაც შეეხება დანარჩენ მიმართულებებს, აპრილში შემოსავლების ვარდნა იყო, თუმცა, მაისსა და ივნისში საკმაოდ დიდი ზრდა დაფიქსირდა. ივნისის მონაცემები რომ შევადაროთ წინა წლის ანალოგიური პერიოდის შემოსავლებს, ბევრ კომპანიაში დაახლოებით 5-10%-იანი დაფიქსირდა. ზოგიერთ კომპანიაში კი მინიმალური ცვლილება -5% იყო.
მიგვაჩნია, რომ ქვეყანამ საკმაოდ კარგად გაიარა პანდემიის ეტაპი. ამ კუთხით მთავრობის ქმედება მისასალმებელი და სამაგალითოა. სამწუხაროდ, მცირე და საშუალო ბიზნესს ტურიზმის კუთხით შემოსვლების დიდი ვადნა აქვს და ეს ძალიან სამწუხაროა, იმედია სიტუაცია შეიცვლება“, - განაცხადა ირაკლი გილაურმა.
