თურქული იშბანკი საქართველოში ინვესტიციებს ზრდის

თურქული იშბანკი Isbank საქართველოში ინვესტიციებს ზრდის. იშბანკის (საქართველო) კომერციული დირექტორის უჩა სარალიძის ინფორმაციით, IT ტრანსფორმაციისთვის სასტარტო ინვესტიცია 500 000  აშშ დოლარია, რაც ეტაპობრივად $1 მილიონამდე შეივსება.

ჯგუფი საქართველოს ბაზარზე ოპერირებადი ბანკის პროგრამული უზრუნველყოფის დამოუკიდებელ მოდელზე გადადის, მოქნილობის ზრდისთვის.

მისივე თქმით, იშბანკის ბიზნესმოდელი პოლიტიკური გავლენებისგან, მ.შ. აქციონერის (თურქეთის რესპუბლიკური სახალხო პარტია) მხრიდან, თავისუფალია.

უჩა სარალიძის თქმით, მენეჯმენტს სრული დამოუკიდებლობა აქვს. ბანკირმა აღნიშნა, რომ მშობელი ბანკისგან რაიმე ტიპის დირექტივა, პირდაპირი თუ ირიბი დავალება არასდროს მიუღია. " ბანკის  ზომის და თურქეთის მასშტაბის გათვალისწინებით, ჩვენგან განსხვავებით, პოლიტიკური გავლენებისგან ბიზნესი დაცულია. ყოველ შემთხვევაში, ამის თაობაზე არ გვსმენია. არც რაიმე ნიშნები შეგვინიშნავს. 

როგორც იცით, მილი მეჯლისის არჩევნებში, ერდოღანთან ქირიჩდაროღლუს კოალიცია (რესპუბლიკურ პარტიასთან გაერთიანებული პარტიების ალიანსი) დამარცხდა. რაც დიდი ალბათობით  საპარლამენტო არჩევნების მე-2 ტურის  შედეგებზეც აისახება. 

იშბანკის მენეჯმენტის ინფორმაციით, ჯგუფს საქართველოში საქმიანობის გრძელვადიანი გეგმები აქვს. საინვეტიციო აქტივობაზე არც თურქეთის კრიზისს უმოქმედია.უჩა სარალიძის თქმით, იზრდება ადამიანური კაპიტალიც.

მისი თქმით თურქეთის კრიზისი შვილობილ ბანკზე არ ასახულა. რადგან პორტფელი დივერსიფიცირებულია. მისი თქმით, საქართველოში საქმიანობის გაფართოების სურვილი გარკვეულწილად ბანკის მომგებიანობის ზრდას უკავშირდება. Q1/2023 -ის ანგარიშით,  კაპიტალზე უკუგება (ROE) 17.95%-ია და იში სექტორში მე-6 ადგილზე პოზიციონირებს.