ბრიტანული ფონდი Toshiba-ს $20 მლრდ-იან გარიგებას სთავაზობს
იაპონურმა კონგლომერატმა Toshiba-მ ბრიტანეთის კერძო კაპიტალის ფონდისგან ნასყიდობის შეთავაზება მიიღო, გარიგების მოცულობა დაახლოებით $20 მლრდ-ია.
როგორც BBC-ი წერს, ეს გარიგება Toshiba-ს საშუალებას მისცემს ყურადღება გაამახვილოს სხვა ძირითად ბიზნესებზე.
შეგახსენებთ, რომ ბოლო წლების განმავლობაში კონგლომერატი არაერთი სკანდალში გაეხვა, მათ შორის ცრუ აღრიცხვა და უდიდესი დანაკარგები აშშ-ს ბირთვულ დანაყოფთან დაკავშირებით. სკანდალით დაზარალებული კომპანიის აქციები დროებით შეჩერდა ტოკიოს საფონდო ბირჟაზეც.
Toshiba- ს აღმასრულებელმა დირექტორმა ნობუაკი კურუმატანმა დაადასტურა CVC Capital Partners-ის შეთავაზება და დასძინა, რომ ამ საკითხს გამგეობის სხდომაზე განიხილავენ.
Toshiba იაპონიის ერთ-ერთი უძველესი და უდიდესი ფირმაა, რომლის ბიზნესის იმპერია სახლის ელექტრონიკიდან, ბირთვულ ელექტროსადგურებამდეა გავრცელებული.
