მსოფლიო
14/02/2023
Ford-ი დიდ ბრიტანეთში 1 300 სამუშაო ადგილის შემცირებას გეგმავს
Ford-ი მომდევნო ორი წლის განმავლობაში, დიდ ბრიტანეთში 1 300 სამუშაო ადგილის შემცირებას გეგმავს, რაც ქვეყანაში მისი მთლიანი მუშახელის მეხუთედია. ინფორმაციას BBC ავრცელებს.
გამოცემის ცნობით, აღნიშნული მსხვილი რესტრუქტურიზაციის ნაწილია, რომლის ფარგლებშიც ავტომწარმოებელი მთელი ევროპის მასშტაბით მთლიანობაში 3 800 ადამიანს გაათავისუფლებს.
Ford-ი დეველოპერების გუნდს ამცირებს, ვინაიდან კომპანია გაურკვეველი ეკონომიკური მომავლის წინაშე დგას და ელექტრომობილების წარმოებაზე გადასასვლელად ემზადება.
დიდ ბრიტანეთში შემცირებების უმეტესობა კვლევით ცენტრ Dunton-ზე მოდის. ასეულობით სამუშაო პოზიცია მთელი ქვეყნის მასშტაბით დაიხურება.
