საზოგადოება
26/10/2023
"აბრეშუმის გზის ფორუმთან" დაკავშირებით, შოთა მესხიას ქუჩაზე ავტომობილების გადაადგილება დროებით შეიზღუდება
თბილისის მერიის ინფორმაცით, „აბრეშუმის გზის ფორუმთან“ დაკავშირებით, დღეიდან, 27 ოქტომბრის ჩათვლით, შოთა მესხიას ქუჩაზე ავტომობილების გადაადგილება დროებით შეიზღუდება.
საავტომობილო გადაადგილება შეზღუდული იქნება რევაზ თაბუკაშვილის ქუჩიდან რუსთაველის გამზირამდე არსებულ მონაკვეთში (რევაზ თაბუკაშვილის ქუჩისა და შოთა მესხიას ქუჩის კვეთიდან, შოთა მესხიას ქუჩისა და რუსთაველის გამზირის კვეთამდე).
27 ოქტომბრის ჩათვლით, რევაზ თაბუკაშვილის ქუჩიდან რუსთაველის გამზირის მიმართულებით გადაადგილება ინაშვილის ქუჩის გამოყენებით იქნება შესაძლებელი.
