ჯანდაცვაში ჯიბიდან გადახდების წილი 56%-იან ნიშნულზეა - Galt & Taggart

საქართველოში ჯანდაცვისთვის ჯიბიდან გადახდების წილი კვლავ მაღალ, 56%-იან ნიშნულზე ნარჩუნდება. Galt & Taggart-ის ანალიტიკოსის, ნინო პერანიძის განმარტებით, ეს მაჩვენებელი ევროკავშირის ქვეყნების მონაცემებს დაახლოებით 40%-ით აღემატება.

„2010-2019 წლებში საქართველოში ჯანდაცვის სახელმწიფო დაფინანსება გასამმაგდა და 1.3 მლრდ ლარამდე გაიზარდა. ამის შედეგად, ჯიბიდან გადახდების წილი 73%-დან 56%-მდე შემცირდა.მიუხედავად ამისა, ეს მაჩვენებელი კვლავ მაღალია როგორც რეგიონის ისე ევროკავშირის ქვეყნებთან შედარებით. მოსახლეობის მხრიდან ჯანდაცვისთვის გაწეული ხარჯის საკმაოდ დიდი ნაწილი კი მედიკამენტებზე მოდის.“-განმარტა ნინო პერანიძემ.