საზოგადოება
17/01/2022
მთავრობა სოციალურად დაუცველებს დენის გაზრდილ ტარიფს დაუსუბსიდირებს
მთავრობა სოციალურად დაუცველებს ელექტროენერგიის ტარიფის ნაზარდს დაუსუბსიდირებს.
პრემიერ-მინისტრის ირაკლი ღარიბაშვილის განცხადებით, ეს შეეხება 150 000 და ნაკლები ქულის მქონე მოსახლეობას, რომელთა რაოდენობაც 1 მლნ-მდეა.
"ჩვენ აღნიშნული პროგრამა გვქონდა პანდემიის დაწყებიდან და გრძელდებოდა 2 წელი. იანვარში შეწყდა და მივიღეთ გადაყწვეტილება, რომ პროგრამა გავაგრძელოთ, და მოსახლეობის იმ ფენას, ვინც ყველაზე მეტად გაჭირვებულია, დავუსუბსიდიროთ ელექტროენერგიის ნაზარდი. ეს იმოქმედებს იანვრიდან მთელი წლის განმავლობაში",- აღნიშნა ირაკლი ღარიბაშვილმა.
