"ცივის ყველი" აშშ-ში გაყიდვების არეალს აფართოებს

ჩიკაგოს შემდეგ ქართული წარმოების ყველით ამერიკის სხვა ქალაქებშიც დაინტერესდნენ. “ცივის ყველი” უახლოს პერიოდში ნიუ-იორკშიც იქნება ხელმისაწვდომი. კომპანიამ საცდელი ნიმუშები უკვე გააგზავნა. აქტიურად გრძელდება ექსპორტი ჩინეთის მიმართულებითაც.

"თავდაპირველად პროდუქციას 3 თვეში ერთხელ ვაგზავნიდით, ახლა უკვე მოთხოვნა ისეა გაზრდილი ამერიკაში თვეში საშუალოდ 300-400 კილოგრამ ყველს ვაგზავნით. რაც შეეხება ადგილობრივ ბაზარს, შემცირებული ტურიზმი და HoReCa სექტორის გაჩერება საკმაოდ პრობლემურია, მაგრამ იმედი მაქვს ამ კრიზისს დროულად დავძლევთ,” - ამბობს “ცივის ყველის” დამფუძნებელი გოჩა ღაღაშვილი.

ამ ეტაპზე, „ცივის ყველის“ ქარხანაში დღეში 2-3 ათასი ლიტრი რძე გადამუშვდება, თუმცა საწარმოს დღიურად 10 000 ლიტრის გადამუშავების შესაძლებლობა აქვს.

„ცივის ყველი“ უკვე 12 წელია ბაზარზეა. საწარმო თელავში მდებარებს და 200-მდე სახეობის ყველს აწარმოებს. ამ ეტაპზე კომპანიის პროდუქცია ექსპორტზე ამერიკაში და ჩინეთში გადის.